THE KMCC NEWS MALY

ഫ്ലാഷ് ന്യൂസ്............ ബെയ്‌ലക്സ് മെസ്സഞ്ചറിലെ കെ.എം.സി.സി നെറ്റ് സോണിൽFEB. 17 TO 21….MUSLIM YOUTH LEAGUE ALL INDIA CONFERENCE ... .www.kmccnetzone.com .. കൂടുതൽ വിവരങ്ങൾക്ക് ഈ നമ്പറിൽ ബന്ധപ്പെടുക. . INDIA (NASEEM KADAPPADI) 0091 9961981936 # UAE (C.K BASHEER) 00971 50 7475131#KSA-makkah (MUJEEB POOKKOOTUR)00966 50 2336683 - dammam(SAIFUDHEEN VALIYAKATH) 00966 50 1202897 - makkah(ASHRAF)00966 50 8275183 - riyadh(FAISAL TIRUR)00966 50 7288001….. Beyluxe messenger download ചെയ്യാൻ ഈ ലിങ്കിൽ ക്ലിക്ക് ചെയ്യുക http://www.beyluxe.com/messenger/Download.html ഇനി മുതൽ നമ്മുടെ ഈ സൈറ്റിൽ വാർത്തകൾ എന്ന താളിൽ ഇന്ത്യാവിഷ്യൻ ടി.വി ചാനൽ (ലൈവ്) ലഭ്യമാണ്

കുവൈത്ത്: എന്നും അവഗണനയ്ക്ക് വിധേയരായി മാറിയ ഗള്‍ഫ് മലയാളികളോട് കേരള സര്‍ക്കാറും സിയാലും കാണിക്കുന്ന ചൂഷണത്തിന്റെ മറ്റൊരു ഉദാഹരണമാണ് കൊച്ചി രാജ്യാന്തര വിമാനത്താവളത്തില്‍ യൂസേഴ്‌സ് ഫീ കൊണ്ടുവരാനുള്ള നീക്കമെന്ന് കെ.എം.സി.സി. പ്രസിഡന്റ് റഫീഖ് കോട്ടപ്പുറം പ്രസ്താവനയില്‍ ആരോപിച്ചു.കൊച്ചി എയര്‍പോര്‍ട്ടില്‍ യൂസേഴ്‌സ് ഫീ പുനഃസ്ഥാപിക്കുമെന്ന മുഖ്യമന്ത്രിയുടെ പ്രസ്താവന അത്യന്തം പ്രതിഷേധാര്‍ഹമാണെന്നും കേരളത്തിന്റെ വികസനത്തില്‍ ശക്തമായ പങ്കുവഹിക്കുന്ന പ്രവാസികളെ ദ്രോഹിക്കാനുള്ള നടപടി അനുവദിക്കാനാവില്ലെന്നും മാതൃസംഘടനയുമായി ചേര്‍ന്ന് ഒറ്റക്കെട്ടായി ഇതിനെതിരെ ജാഗരൂകരാകണമെന്നും പ്രസ്താവനയിലൂടെ ആവശ്യപ്പെട്ടു

സി.എച്ച്‌: നവോത്‌ഥാനത്തിന്റെ ഹരിതാക്ഷരി'

തിരുവനന്തപുരം: ചരിത്രത്തെ പിന്നിലാക്കി നടന്നുപോയ മഹാന്‍. കേരള രാഷ്‌ട്രീയത്തിലെ എക്കാലത്തെയും മഹാ പ്രതിഭ. അശരണരുടെയും ആലംബഹീനരുടെയും രക്ഷകന്‍......അങ്ങനെ പോകുന്നു സി.എച്ച്‌.മുഹമ്മദ്‌ കോയ കുറിച്ചുള്ള വിശേഷണങ്ങള്‍. `സി.എച്ച്‌.മുഹമ്മദ്‌ കോയ, നവോത്‌ഥാനത്തിന്റെ ഹരിതാക്ഷരി' എന്ന ഡോക്യുമെന്ററിയിലാകെട്ട, ഇതിനെല്ലാമപ്പുറത്തേക്കുള്ള സി.എച്ചിനെയാണ്‌ ആഖ്യാനം ചെയ്യുന്നത്‌. ജ്യോതിപ്രകാശ്‌ സംവിധാനം ചെയ്‌ത നവോത്‌ഥാനത്തിന്റെ ഹരിതാക്ഷരി എന്ന ഡോക്യുമെന്ററി ചരിത്രത്തിലേക്കുള്ള തിരിഞ്ഞുനോട്ടമായിരുന്നു. 26 മിനിട്ട്‌ ദൈര്‍ഘ്യമുള്ള ഡോക്യുമെന്ററി സി.എച്ചിന്റെ ഇതിഹാസം തീര്‍ത്ത ജീവിതം മുഴുവന്‍ ഒപ്പിയെടുത്തതായിരുന്നു. ബഹുമുഖ പ്രതിഭയായ സി.എച്ചിന്റെ ജനനം മുതല്‍ മരണംവരെയുള്ള ചരിത്രദിനങ്ങള്‍ അഭ്രപാളിയില്‍ മിന്നിമറഞ്ഞപ്പോള്‍, പുതുതലമുറക്കത്‌ വിസ്‌മയകാഴ്‌ചയായിമാറി.രാഷ്‌ട്രീയ ദര്‍ശകന്‍, പ്രാസംഗികന്‍, എഴുത്തുകാരന്‍, ഭരണാധികാരി തുടങ്ങി സമസ്‌തമേഖലയിലും വ്യക്തിമുദ്ര പതിപ്പിച്ച സി.എച്ച്‌, കേരളത്തിന്റെ സാമൂഹ്യ സാംസ്‌കാരിക പുരോഗതിക്ക്‌ പ്രത്യേകിച്ച്‌ പിന്നോക്ക അധ:സ്ഥിത ജനവിഭാഗങ്ങളുടെ മുന്നേറ്റത്തിന്‌ നല്‍കിയ അമൂല്യ സംഭാവനകള്‍ ഡോക്യുമെന്ററിയില്‍ അക്കമിട്ട്‌ നിരത്തുന്നുണ്ട്‌. പത്താം ക്ലാസുവരെ വിദ്യാഭ്യാസം സൗജന്യമാക്കിയത്‌, മുസ്‌ലീം, നാടാര്‍ കുട്ടികള്‍ക്ക്‌ സ്‌കോളര്‍ഷിപ്പ്‌ ഏര്‍പ്പെടുത്തിയത്‌, അങ്ങനെ പട്ടിക നീളുകയാണ്‌. ഡോ.എ.ഗംഗാധരന്‍, ഇ.ടി.മുഹമ്മദ്‌ ബഷീര്‍, കെ.പി.കുഞ്ഞുമൂസ, യു.എ.ഖാദര്‍ തുടങ്ങിയവര്‍ക്ക്‌ പുറമെ സി.എച്ചിന്റെ കുടുംബാംഗങ്ങളും പീഡിതരുടെ വേദന നെഞ്ചിലേറ്റി, അവരുടെ മുന്നേറ്റത്തിന്‌ ഇന്ധനമാക്കിയ ജനനായകന്റെ സ്‌മരണ ഡോക്യുമെന്ററിയില്‍ പങ്കുവെക്കുന്നു. പി.വി ഷൗക്കത്തലിയായിരുന്നു ഡോക്യുമെന്ററിയുടെ തിരക്കഥ ഒരുക്കിയത്‌. കേരളത്തിന്റെ മഹത്‌വ്യക്തികളെക്കുറിച്ച്‌ ഇന്‍ഫര്‍മേഷന്‍ പബ്ലിക്‌ റിലേഷന്‍സ്‌ വകുപ്പ്‌ തയ്യാറാക്കിയ 15 ഡോക്യുമെന്ററികളുടെ പ്രദര്‍ശനത്തിന്റെ ഭാഗമായാണ്‌ കലാഭവനില്‍ `സി.എച്ച്‌.മുഹമ്മദ്‌ കോയ, നവോത്‌ഥാനത്തിന്റെ ഹരിതാക്ഷരി' പ്രദര്‍ശിപ്പിച്ചത്‌. ജി.ഗോപികുട്ടിക്കോല്‍ സംവിധാനം ചെയ്‌ത പി.കൃഷ്‌ണപിള്ള എന്ന ഡോക്യുമെന്ററിയോടെയാണ്‌ പ്രദര്‍ശനം ആരംഭിച്ചത്‌. തുടര്‍ന്ന്‌ വൈക്കം മുഹമ്മദ്‌ ബഷീറിനെക്കുറിച്ചുള്ള ശബ്‌ദങ്ങള്‍ (സംവിധാനം എം.ആര്‍.ശശിധരന്‍), സ്വാമി ആനന്ദതീര്‍ത്‌ഥ (സംവിധാനം ദാമോദര്‍ പ്രസാദ്‌), എന്നിവയും പ്രദര്‍ശിപ്പിച്ചു. മുഖ്യമന്ത്രി വി.എസ്‌ അച്യുതാനന്ദന്‍, ഒ.എന്‍.വി കുറുപ്പ്‌ തുടങ്ങിയവര്‍ പ്രദര്‍ശനം കാണാന്‍ എത്തിയിരുന്നു.

ന്യൂനപക്ഷങ്ങളുടെ സംരക്ഷണം.

ന്യൂഡല്‍ഹി: ഒറീസയിലെ ക്രൈസ്‌തവ സമുദായത്തിന്‌ സംരക്ഷണം ഉറപ്പാക്കാന്‍ സുപ്രീംകോടതി സംസ്ഥാന സര്‍ക്കാറിന്‌ നിര്‍ദ്ദേശം നല്‍കി. ന്യൂനപക്ഷങ്ങളുടെ സംരക്ഷണം ഉറപ്പാക്കാനാവില്ലെങ്കില്‍ സംസ്ഥാന സര്‍ക്കാര്‍ രാജിവെക്കണമെന്ന്‌്‌ ചീഫ്‌ ജസ്റ്റിസ്‌ കെ.ജി. ബാലകൃഷ്‌ണന്‍ തലവനായ ബഞ്ച്‌്‌ ആവശ്യപ്പെട്ടു. കട്ടക്ക്‌ ബിഷപിന്റെ ഹര്‍ജിയില്‍ വാദം കേള്‍ക്കുകയായിരുന്നു കോടതി. കേന്ദ്രസര്‍ക്കാറിന്റെ സഹകരണത്തോടെയായിരിക്കണം അര്‍ദ്ധ സൈനിക വിഭാഗത്തെ പിന്‍വലിക്കേണ്ടതെന്നും കോടതി പറഞ്ഞു. 50,000 ക്രൈസ്‌തവര്‍ വനങ്ങളിലേക്ക്‌ ഓടിപ്പോയ ശേഷമാണ്‌ ഒറീസ സര്‍ക്കാര്‍ ഉണര്‍ന്നത്‌. ന്യൂനപക്ഷങ്ങളെ സംരക്ഷിക്കാന്‍ സാധിക്കുന്നില്ലെങ്കില്‍ സര്‍ക്കാര്‍ രാജിവെക്കണം. ന്യൂനപക്ഷങ്ങള്‍ക്കെതിരായ ആക്രമണം പൊറുപ്പിക്കാന്‍ സാധിക്കില്ലെന്ന്‌്‌ ജസ്റ്റിസ്‌്‌ മാര്‍ക്കണ്‌ഠേയ കട്‌ജു വ്യക്തമാക്കി. 8000-ലേറെ പേര്‍ ഇപ്പോഴും അഭയാര്‍ത്ഥി ക്യാമ്പുകളില്‍ കഴിയുന്നുണ്ടെന്ന്‌്‌്‌ സംസ്ഥാന സര്‍ക്കാര്‍ സുപ്രീംകോടതിയെ അറിയിച്ചു. ഇന്ത്യ ഒരു മതേതര രാജ്യമാണെന്നും ന്യൂനപങ്ങളെ വേട്ടയാടുന്നത്‌ അനുവദിക്കാനാവില്ലെന്നും കോടതി ഓര്‍മ്മിപ്പിച്ചു. ഒരു ന്യൂനപക്ഷ സമുദായവും ഇവിടെ ഭീതിയോടെ ജീവിക്കരുത്‌. കലാപ ബാധിത പ്രദേശങ്ങളില്‍നിന്ന്‌്‌്‌ അര്‍ദ്ധ സൈനിക വിഭാഗങ്ങളെ ഏകപക്ഷീയമായി പിന്‍വലിക്കരുതെന്നും കേന്ദ്രസര്‍ക്കാറിന്റെ അനുമതി വാങ്ങണമെന്നും കോടതി ആവശ്യപ്പെട്ടു. സംഘ്‌പരിവാര്‍ നടത്തിയ കലാപത്തില്‍ ഒരു കന്യാസ്‌ത്രീ കൊല്ലപ്പെട്ടതിന്‌ ശേഷമാണ്‌ പ്രശ്‌നം സുപ്രീംകോടതിയുടെ പരിഗണനക്ക്‌്‌ വന്നത്‌. കഴിഞ്ഞ വര്‍ഷം സെപ്‌തംബറില്‍ ഒരു വി.എച്ച്‌.പി. നേതാവ്‌ കൊല്ലപ്പെട്ടതു മുതല്‍ ഒറീസയിലെ ക്രമസമാധാന സ്ഥിതിഗതികള്‍ സുപ്രീംകോടതി നിരീക്ഷിച്ചുകൊണ്ടിരിക്കുകയാണ്‌. സംസ്ഥാനത്തേക്ക്‌്‌ കൂടുതല്‍ അര്‍ദ്ധ സൈനികരെ അയക്കാന്‍ ഒക്ടോബര്‍ 22ന്‌്‌ സുപ്രീംകോടതി കേന്ദ്രത്തിന്‌ നിര്‍ദ്ദേശം നല്‍കിയിരുന്നു. കാണ്ഡമല്‍ അടക്കം സംസ്ഥാനത്തിന്റെ വിവിധ ഭാഗങ്ങളില്‍ ക്രൈസ്‌തവ സമുദായത്തിന്‌ നേരെ അക്രമങ്ങള്‍ തുടരുകയാണ്‌. സംസ്ഥാനത്തെ ക്രൈസ്‌തവര്‍ ഇപ്പോഴും ഭീതിയിലാണ്‌ കഴിയുന്നത്‌.